☺ ငါ့ရဲ့ လမင်း ☺

ရှင်းသန့်တဲ့ ရင်ခွင်မှာ

အစဉ်ထွန်းလင်းနေတဲ့ လမင်း

ပြည့်ဖြိုးနေလိုက်တာက

လှရက်လိုက်တာ ... ။

မဟူရာညပေမယ့်

မတူတာတခုကတော့

နင်ဖြန့်ကျက်တဲ့ အလင်း

ငါ့ရင်ကိုခင်းထားတာက

လွမ်းမောလိုက်တာ ... ။

အရာရာ တိတ်ဆိတ်နေပေမယ့်

အလိုက်မသိတာက ... ငါ

ရှိုက်မိတဲ့လေထုနဲ့တောင်

ဝင်သက်ထွက်သက် မမျှသလိုနဲ့

သန်းခေါင်ယံညဉ့်အဆင်းမှာ

အသူရာတွေစစ်ခင်းသလို

အမူအရာတွေပစ်သွင်းရင်း

အငိုက်မိတဲ့ နှလုံးသားနဲ့

ငါ ... မောက်မားမိခဲ့တာပေါ့ ... ။

ဒါပေမယ့်လည်း

ရင်ထဲကလမင်းမို့

အပြစ်ကင်းတဲ့ မြှားတစင်းကို

နင့် ရင်တွင်းသို့

ချစ်ခြင်းစေတမန်နဲ့

ဖြစ်ခြင်းတွေ အစီရင်ခံလိုက်မယ်

နင့်ရဲ့  ...

နှလုံးသားကို

ငါ့ဆီ ...

တဖန် ပို့လွှတ်လှည့်ပါ ... ။