Friday, April 22, 2011

“ရင်ထဲက စာစုတို ကဗျာလေးများ (၂)”

ပန်းမြိုင်အလယ် ပွင့်လန်းပေစွ
တင့်ဆန်းလှတဲ့ အို ... စံပယ်
တစ်ငုံတစ်ဖူး ဆွတ်ခူးရုံမျှ
ရနံ့လွန့်မြူး ကြည်နူးသမို့
သီရန်ရွယ်စူး ကိုယ်ခူးခဲ့သည်
မေ့ ... တွက်မို့လေ စံပယ်ဖူးနှင့်
စိတ်ကူးရုံမျှ ရင်စူးလောက်အောင် ရူးရသည် ...။

@@@@@@@@@@@@@@@@@@@@@@@@@

မလှမ်းချီ ၀င့်မီ(မှီ)ကတင်
ရနံ့တွေ ကြွေလွင့်ပြီမို့
အခက်ရယ်တွေ့အောင်
မုန်းမေ့တော့မှာလား ... မေ ...
သစ္စာတွေ စူးရပါရဲ့
မေတ္တာမိုးသားစွန်းမှာ
ငွေ့ရည်လေး ဖွဲ့ရုံနဲ့တင်
မောင့်ရင်မှာ ရူးရပြီမို့ ...
နှောင်းမြေ့ကျွမ်းလောင် မဆွေးအောင်
ပစ်ခွာကာအဝေး မပြေးပါနှင့် ...။

@@@@@@@@@@@@@@@@@@@@@@@@

ရနံ့မကြွယ် တစ်ပွင့်ပန်းမို့
အပွင့်အ၀ါ ဖြူပြာတွေကြား
စောင့်မျှော်ငေးလင့် ပွင့်နေရုံသာ ...။

@@@@@@@@@@@@@@@@@@@@@@@@

ညဉ့်ယံဦး၌ မြရည်ဆွတ်လူး
ရနံ့ထူးသော ဆိတ်ဖလူးရုံ
လရောင်စုံအောက် မှုန်ပြာမှိုင်တွေး
တစ်ကိုယ်ရည်ဆွေး ...။

@@@@@@@@@@@@@@@@@@@@@@@@

အိပ်မက်တွေ တသီတတန်းနဲ့
နန်းချခံလိုက်ရတဲ့ နံနက်ခင်း
“သူ”ပေးတဲ့ အလင်းတစ်စက်နဲ့
လင်းမြစိုစွတ်ခဲ့တယ် ...။

ခါတော်မှီ ပန်းတွေ ပွင့်လန်းစရာ မလိုပါဘူး
“သူ”ပေးတဲ့ နှုတ်ခမ်းရိုက်သံ သဲ့သဲ့နဲ့တောင်
ကျနော် ရင်မှာ ရနံ့သင်းပျံ့မှတော့
ချစ်သူရေ တစ်စက္ကန့်ရွေ့တိုင်း လွမ်းးးတယ် ...။

@@@@@@@@@@@@@@@@@@@@@@@

အိပ်မက်တွေ ကပိုကရိုနဲ့
ကဗျာဆန်တဲ့ည
အလင်းတွေ ဖရိုဖရဲနဲ့ပဲ
အဆုံးသတ်သွားတယ်
ကျနော်မှာတော့ အိပ်လို့ကောင်းတုန်း ...။

@@@@@@@@@@@@@@@@@@@@@@@

အကြည့်တရှိုက် အပြုံးအလှစ်မှာ
အပွင့်တွေပြိုကျလာတာ
ဘာနဲ့မှ နှိုင်းမရဘူး ..
ကောင်မလေးရယ် ...
တကယ်တော့ငါဟာ
တမ်းတရုံနဲ့ရူး
အချစ်ဦးတွေ ဖူးခဲ့တာ
ဘယ်မေ့နိုင်ပါ့မလဲ ...
အနာဆိုပေမယ့်
အမာရွတ်တွေ လှပချင်တုန်းပါပဲ ...
မင်းရနံ့မှာ ရစ်မူးပျော်ဝင်တာလောက်
လှတဲ့ မျက်ရည်မရှိမှတော့
ငါကြွေမယ့်လမင်း မင်းအတွက် ဖြစ်ပါစေလေ ...

@@@@@@@@@@@@@@@@@@@@@@@
စုဆောင်းထားမိတဲ့ စာအတိုအတွာလေးတွေပါ ...။

Tuesday, April 5, 2011

“သင်္ကြန်မြင်ကွင်း”

ပိတောက်တွေ ၀ါရွှေဦး
ပင်ဦးမှာ ဖူးပါလို့
ရနံ့ရယ် စူးလှတဲ့
နွေဦးရဲ့ သွန်းချိန်တန်
အတာမိုး သုတ်အဖြူး
လေရူးက ပင့်သက်လျှံ
သင်္ကြန်က မာန်ဝင့်ဝင့်
တန်ခူးနှင့် ပနံ့သင့်လှပေတယ် ...။

အကြို နဲ့ အကျ
အပွင့်တွေ ပြိုကျတဲ့
ရွှေငုဝါ ပွင့်ဖတ်တွေ
ပိတောက်နှင့် အပြိုင်
သင်္ကြန်ကို ဖော်ကြူး
နှစ်သစ်ကို ကူးကြမည်မို့
အချစ်အတွက် ရွယ်စူး
တချို့တွေ ခူးကြမည် ...။

အကြတ် နဲ့ အတတ်
ပိတောက်တခတ်နှင့်
မွှေးနံ့သာပတ်ဖြန်း
ယဉ်ကျေးမှု အတတ်စွမ်းနဲ့
တို့ရိုးရာ သင်္ကြန်
တို့အမျိုးသား ဟန်ကို
တို့တတွေ စောင့်ရှောက်
နှစ်သစ်ကို ဖောက်ရမည် ...။

ခုတော့ ...
နှစ်သစ်လည်းဆန်းပြီ
ရွှင်လန်းစွာပတ်ဖြန်းတဲ့
လမင်း ၀င်းပပ
အလင်းရောင်က လှ လှတယ် ...
အတာရေ အေးအေး
ဘယ်သူ မမွှေးမွှေးပေါ့
ကျွန်တော့်ရင်မှာ အေးလှတယ် ...။

အတာ နှင့် အင်္ကြန်
ပိတောက် နှင့် ငုဝါ
ဒီအရှိန်အ၀ါတွေက
အစဉ်သာ ရောင်စဉ်ဟပ်
ထာဝစဉ် ဒီတစ်သက်မှာ
ကျွန်တော် ...
ဘယ်မေ့ရက်နိုင်ပါ့မလဲ ...။

ညလင်းအိမ်
(၅.၄.၁၁)

Monday, April 4, 2011

“မင်္ဂလာပါ နံနက်ခင်း”

ဖူးသစ်စအလင်း
ကြူးရင့်ကြ နံနက်ခင်းမှာ
နှင်းနုအကြွင်းတစ်ခင်းက
အတင်းလုပြီး ခွင်းလာတယ် ...။

(သို့ပေမယ့်)
ထွက်သစ်စ နေမင်း
ကမ်းလင့်ကြ ဒီအလင်းကြောင့်
ခမ်းလွင့်စ နှင်းစက်ခမျာ
ကြွမ်းရင့်ကာ ကြွေကြရရှာတယ် ...။

(အဲဒီအချိန်)
မြသားနှယ် အဆင်း
လှစကားကြွယ် သီချင်းနဲ့
လာကြွားတယ်ထင်တဲ့ ငှက်ကျေးကိုမှ
ဘာသာစကားလွယ်လွယ် ပြန်ပြောလိုက်တယ် 
မင်္ဂလာပါ နံနက်ခင်း ... လို့ ...။

ညလင်းအိမ်
(၄.၄.၁၁)

“ဆည်းဆာချိန်”


နေ၀င်ပျိုးပျ
သွန်းလဲ့ဆည်းဆာ
ကျေးငှက်ဝါတို့
တောင်ပံခြင်းယှက်
အိပ်တန်းတက်ချိန်
ပြာလွင်ကောင်းကင်
ညို့တန်းဆီက
မှိုင်းဝေမြူးလူး
ရနံထူးကို
ကျွန်တော်ရဧ။် ...။

တိမ်ညိုတောင်ဆွယ်
ပင်တန်းငယ်က
လေပြေညှင်းသွဲ့
ပန်းပျိုနံ့နှင့်
ယိမ်းနွဲ့လှုပ်ရှား
သစ်မွှေးပင်ကြား
မြေဆီမြေနံ့
သင်းပျ့ံပျံ့ကို
ကျွန်တော်ရဧ။် ...။

ရေစင်သွယ်သွယ်
ဝှေ့ဝင်စီးဆင်း
ကွေ့လျားရစ်ပတ်
ထုတ်ချင်းထွက်သည့်
တောင်စောင်းနဘေး
စမ်းချောင်းလေးက
ကြည်လင်အေးချမ်း
တိတ်ဆိတ်ခြင်းကို
ကျွန်တော်ရဧ။် ...။

နေ၀န်းနီတောက်
တောင်စွယ်နောက်မှာ
မှောင်ရီဖုံးစဉ်
မိုးသားစွန်းက
ရောင်စဉ်ပြေလျော့
ဖြန့်ကျက်ထိုးဝင်
ဆည်းဆာချိန်သည်
ဆွတ်ရည်ငေးလင့်
လွမ်းသင့်ခြင်းကို
ကျွန်တော်ရဧ။် ...။

ညလင်းအိမ် (၄.၄.၁၁)
@@@~~~@@@

Saturday, April 2, 2011

“ချစ်ခြင်းဖွဲ့”

သခင့်အတွက် စပ်ဆိုသည့်
ချစ်ခြင်းဖွဲ့ ဒီကဗျာ
ရင်တွင်းအသည်းညှာမှာ
တဆစ်ဆစ်နာတယ် ...။

ရွယ်ရည်လို့ခူး
သီဖူးသမျှ စံပယ်တွေ
ဒဏ်ရာတွေ အဆုပ်လိုက်ပါပဲ
ကြွေ လွင့် နွမ်း လျှ
ရင်မှ တရှရှနဲ့
မျှော်လင့် တမ်းတ လွမ်းနာကျတယ် ...။

သခင့်အလိုစေသား
နှုတ်ဖျားတော် တစ်ခွန်းအထွက်မှာ
ရာဇ၀တ်သားလို ဒဏ်သင့်ပါစေ
နှလုံးသားကို ဖြန့်ခင်း
သခင့် စေရာ နင်းခဲ့ပြီးမှ ...

အခုတော့လည်း
ခဲလေသမျှ သဲရေကျ
သခင့်အလိုအရ
ဝေးနေရတယ် ...။

ဘာပဲဖြစ်ဖြစ်
မညာပဲ ချစ်ပါရစေ သခင်
စံပယ်တွေ မပွင့်သော်လည်း
ဆန္ဒတွေ ပွင့်မယ့်တနေ့
ချစ်ခြင်းဖွဲ့ ဒီကဗျာကို
လေပြေရယ် ဆောင်ယူပါစေသား ...။

ညလင်းအိမ်
(၂.၄.၁၁)